ജീവന്റെ തുടിപ്പിന്
ഒരു അണ്ഡം വേണം
തേജസ്സുള്ളതും
ജീവസ്സുറ്റതും
കന്യകയുടേതുമാകണം.
നിങ്ങള്‍ ഭാഗ്യവതികള്‍
നിങ്ങളുടെ അണ്ഡങ്ങള്‍ വിരിയുക
അങ്ങ് ദൂരെ വെളുത്തവന്റെ
ചുവന്ന ഗര്‍ഭപാത്രത്തില്‍ .
നിന്റെ പ്രതിരൂപം
അതിനി കടലുകള്‍ക്കപ്പുറം.
***********************
നിന്റെ ഗര്‍ഭപാത്രം
അതെനിക്ക് കടം തരു
എന്റെ സൗന്ദര്യം എനിക്ക് വലുത്.
നിന്റെ വിശപ്പിനു ഞാന്‍ പണം തരാം
എനിക്ക് നല്‍കൂ പകരം
നിന്റെ ജീവന്‍ കൊടുത്തൊരു കുഞ്ഞു.
പൊക്കിള്‍വള്ളി അറുത്തു നീ
ഏകിടുക, പിന്നെ
വിങ്ങി പൊട്ടുന്ന മാറിടം
പിഴിഞ്ഞ് കളയുക
കണ്ണീരും പണവും ചേര്‍ത്ത്
--------------ബി ജി എന്‍ -------
No comments:
Post a Comment