Friday, December 27, 2013

ദൈവം തിരക്കിലാണ് .


പാഞ്ഞു വരുമൊരു
മൃഗമത് മുന്നില്‍ നിന്നൊരു
ഇരയുറക്കെ കേഴുന്നു
ഭഗവാനെ രക്ഷിക്ക.

വീശിയടിക്കും
ചുഴലിക്ക് മുന്നിലായ്
കൂപ്പുകയ്യോടൊരു
യാചകന്‍ കരയുന്നു
ദൈവമേ രക്ഷിക്ക !

തൂക്കുമരത്തിന്‍ കീഴിലായ്‌
നിരപരാധിയാമൊരു മൂടിയമിഴികള്‍
മൂകമായി യാചിക്കുന്നു
പടച്ചവനേ രക്ഷിക്കുക

ഒരു വൈദ്യന്റെ അറിവിനാലും
ഒരു മനുഷ്യന്റെ കനിവിനാലും
ഒരു നിമിഷം നല്‍കിയ രക്ഷയാലും
മിഴികള്‍ ഉയര്‍ത്തിയാരോ പറയുന്നു
ദൈവമേ നന്ദി .

നന്ദികള്‍ സ്വീകരിക്കുന്ന തിരക്കില്‍
ദൈവം രക്ഷകള്‍ക്കായുള്ള
വിലാപങ്ങള്‍ കേള്‍ക്കാതെ പോകില്‍
ദൈവമെങ്ങനെ ദൈവമാകുന്നു ?

No comments:

Post a Comment