അക്ഷരങ്ങളിൽ എന്നെ പ്രണയിച്ച
സൂനമേ നിനക്ക് വന്ദനം .
എന്റെ തോന്ന്യാക്ഷരങ്ങളിൽ വീണു
നേരിന്റെ നെറികേടുകൾ കണ്ട
മനസ്സേ നീയെന്റെ ഊർജ്ജം .
സ്നേഹത്തിന്റെ നീളക്ഷരങ്ങളിൽ
നീ മുഗ്ദ്ധഭാവം വരിക്കുന്നു
പുലരികൾ , സന്ധ്യകൾ
കുന്നിൻ ചരുവുകൾ
ഈറൻ രാവുകൾ
വയലേലകൾ
നിനക്കായ് ഞാൻ നടന്നു
തീർത്തതെത്ര
കാഴ്ചകൾ .
രതിയുടെ നീലവാക്യങ്ങളിൽ
അലോസരത്തിന്റെ
ശലഭചിറക് പിടയുമ്പോൾ
ഗൂഢമാം സ്മേരത്താൽ
നീ എന്നെ അറിയുകയായിരുന്നു
എന്നെ കണ്ട നീ
എന്നെയൊരിക്കലും സ്നേഹിച്ചിരുന്നില്ല
എന്റെ പരാജയം
എന്റെ അക്ഷരങ്ങളാകുന്നതും
ഞാൻ മുഖമില്ലാതെ
ഇരുളിലൊറ്റപ്പെടുന്നതും
നീയറിയുന്നു
എങ്കിലും
നിനക്കിഷ്ടമെന്റെ വരികൾമാത്രം
-----------------------------
No comments:
Post a Comment