ഉണ്ണീ ഉറങ്ങുറങ്ങു .

ഉണ്ണീ ഉറങ്ങുറങ്ങു
താമര കണ്ണേ  ഉറങ്ങുറങ്ങൂ
സ്വപ്‌നങ്ങൾ കണ്ടു നീയെൻ
മാറിലായ് പൊന്നെ
ചാഞ്ഞുറങ്ങൂ .

കൊണ്ടുപൊകാമിന്നു ഞാൻ
നിന്നെയാ സ്വര്‍ഗ്ഗീയ
പൂവാടിയിലിന്നോമലെ
തേനുണ്ട് ചാഞ്ചാടും
ശലഭങ്ങളൊപ്പം
ആറാടാൻ ഇന്ന് വിടാം .
കണ്ണേ ഉറങ്ങുറങ്ങു
മുത്താര മുത്തെ ഉറങ്ങുറങ്ങൂ .

കുഞ്ഞിക്കിളികളുണ്ട്
നിന്നോടൊപ്പം
ഊഞ്ഞാലയാടീടുവാന്‍
തുമ്പിലകളുണ്ടല്ലോ
താളത്തിൽ നൃത്തം ചവിട്ടുവാനായി .

അമ്പിളി മാമനുണ്ട്
മേലായി പുഞ്ചിരി തന്നീടുവാൻ
കുയിലമ്മ കൂടെയുണ്ട്
ഈണത്തിൽ താരാട്ട് പാടുവാനായി.

വാവേ ഉറങ്ങുറങ്ങു
പൊൻമണി കുഞ്ഞേ ഉറങ്ങുറങ്ങൂ
ആലോലമെന്റെ മാറിൽ
ചാഞ്ഞു നീ മേല്ലെയുറങ്ങുറങ്ങൂ
----------------------ബി ജി എന്‍