Saturday, January 2, 2016

ലിംഗ മാനസ്സര്‍

മാംസപുഷ്പങ്ങള്‍ തേടി
അവര്‍ വരവായി .
തെരുവിന്റെ ഓരങ്ങളില്‍
കടത്തിണ്ണകളില്‍
ഒഴിഞ്ഞ വിശ്രമകേന്ദ്രങ്ങളില്‍
തീവണ്ടി മുറികളില്‍
വീടിന്റെ അബലവാതിലുകളില്‍
വിദ്യാലയമുറികളില്‍
കാട്ടു പൊന്തകളില്‍
അവര്‍ പതിയിരിക്കുന്നുണ്ട് .

സിഫീലിസ് പിടിച്ചതോ
ജരാനരവന്നതോ
മനസ്സിന്റെ ചങ്ങല പൊട്ടിയതോ
പിഞ്ചിളമുടലോ
എന്തുമാകാം.

അവര്‍ക്ക് മുന്നില്‍
ദയയില്ല
ഇരകളുടെ രൂപമില്ല
ഉദ്ധരിക്കപ്പെട്ട ലിംഗങ്ങളുമായ്
അവര്‍ കാത്തിരിക്കുകയാണ്

ആരുടെയൊക്കെയോ
മകള്‍
അമ്മ
ചേച്ചി
അനിയത്തി
ഭാര്യ
ലിംഗങ്ങള്‍ക്ക് കണ്ണുകള്‍ ഇല്ല
ഭയക്കേണ്ടത് പുരുഷനെയല്ല
പുരുഷാകാരം പൂണ്ട ലിംഗമനസ്സുകളെയാണ് .---------------ബിജു ജി നാഥ്

2 comments:

  1. ഭയം വരുന്ന വഴികള്‍
    ആശംസകള്‍

    ReplyDelete