വിശ്രമം
-------------------
സൂര്യനൊരു തീമഴയായി,
സൂര്യനൊരു തീമഴയായി,
സൗരയൂഥ കൊടുങ്കാറ്റായി
പ്രകാശവര്‍ഷങ്ങള്‍ക്കുമപ്പുറത്തു
ഒരാലിംഗനം കൊതിച്ചു നിന്നു.
പൗര്‍ണ്ണമിയുടെ കുളിര്‍മ്മയില്‍,
മൃദുചുംബനങ്ങളില്‍,
പരിരംഭണങ്ങളില്‍ മയങ്ങി
ഭൂമി പുഷ്പിണിയായ് അലസം മയങ്ങി
ഇരുണ്ട വന്‍കരകള്‍
ഇളം വെയില്‍ മഞ്ഞച്ചായം പൂശിയും,
പുല്‍നാമ്പുകള്‍ പുഞ്ചിരിച്ചും
ആകാശത്തെ കാത്തു കിടന്നു .
വെളുത്തമേഘങ്ങളെ നോക്കി,
ചുവന്ന മണ്ണു പരിഭവിച്ചും
കണ്‍തടങ്ങളില്‍ നിന്നു
കറുപ്പ് കടം നല്‍കിയും കാത്തു നിന്നു .
അനന്തരം
ഭൂമി ചുട്ടുപഴുത്ത് തിളച്ചു മറിയുകയും
ഒടുവില്‍ തണുത്തുറയുകയും
തളര്‍ന്നുറങ്ങുകയും ചെയ്തു .
-----ബിജു.ജി.നാഥ് വര്‍ക്കല
No comments:
Post a Comment