ജൈവകൃഷി

ജൈവകൃഷി
....................
പച്ച ഞരമ്പുകൾ തെളിഞ്ഞു കാണും
നെൽപ്പാടമത് ഞാൻ കണ്ടു നിൽക്കേ.
ഉത്തര ദക്ഷിണ ദിക്കുകൾ തേടുമാ-
നൽക്കുളിർ മൊട്ടുകൾ തുടിച്ചുണർന്നൂ.
വിസ്തൃതമാകുമാ സമതലമാകയും ഇളം-
കാറ്റിൻ സുഗന്ധം ഒഴുകിപ്പരക്കവേ.
ഉത്ഭവിക്കുന്നൊരു കുഞ്ഞരുവി മെല്ലെയാ
വന്യവനാന്തനിഗൂഢതയിൽ നിന്നുമേ !
ഉയരുന്നുദ്ദീപന സംഗീതമായെന്നിൽനി-
ന്നൊരു കരിനാഗമാ ജലപാത തേടി.
ഇഴയുകയാണഗ്നിപോൽ പൊള്ളു-
മുടലിനെയാകെ നനയ്ക്കുമായരുവിയിൽ.
അതിഥിയാകാൻ, ആഞ്ഞു ദംശിക്കുവാൻ,
വിഷത്താലുറവയൊന്നാകെയും മൂടുവാൻ.
.......... ബിജു.ജി.നാഥ് വർക്കല