നമുക്കിടയിൽ

നമുക്കിടയിൽ...
.:...........
നിലാവ് പെയ്യണ രാവുകളോ
മഞ്ഞു പൊഴിയുന്ന പ്രഭാതങ്ങളോ
മഴനൂൽ വിരലുകളുടെ ലാളനങ്ങളോ
ഇളവെയിലിന്റെ സാന്ത്വനമോയില്ല.

അടർന്നു പോകുന്ന ശല്കങ്ങളും
നിദ്രയറ്റ അതിഘോര രാവുകളും
ഒലിച്ചുപോകുന്ന ഋതുഭേദങ്ങളും
വേ‌ദനിപ്പിക്കുന്ന അരുതുകളും മാത്രം.

ഒന്നിച്ചു വിരൽ കോർത്ത് നടക്കാനും
ഒരേ പുതപ്പിൻകീഴിൽ പനിച്ചു കിടക്കാനും
ഒരേ സ്വപ്നത്തെ പകുത്തു വയ്ക്കാനും
ഒരു ചുംബനത്തിൽ അലിയാനാഗ്രഹിച്ചും

രണ്ടു ലോകങ്ങളിൽ, നെടുവീർപ്പിന്റെ
ധ്രുവശൈത്യങ്ങളിലകപ്പെട്ടോർ നാം.
പിന്നിലെ നിശബ്ദമായ ചിലയോർമ്മകളിൽ
കണ്ണുകെട്ടി കളിച്ചു കരയാതെ കരയുന്നവർ.
..... ബി.ജി.എൻ വർക്കല.