നീ,ഞാൻ വായിച്ചൊരു പുസ്തകം.
വരകളില്ലാത്ത വെളുത്ത കടലാസ്സിൽ
അതിരുകൾ അടയാളപ്പെടുത്തിയ
രാജ്യം പോലെ നീയെൻ മുന്നിൽ.
മഴവിൽക്കൊടി പോലല്ലയെങ്കിലും
അഴകെഴും പുരികത്തിൽ തുടങ്ങി
ഇടിഞ്ഞു തുടങ്ങിയ മലകൾ താണ്ടി
ഉറവ വറ്റിയ നീർക്കുഴികൾക്കരികിലൂടെ
വരണ്ടു തുടങ്ങിയ പാടവരമ്പിലൂടെ
കലഹിച്ചു നിൽക്കും പാദത്തിൽ
എന്റെ വായന നിലയ്ക്കുസോൾ
നീയൊരു രാജ്യമല്ലാതാകുന്നു.
ആദിയനാദികൾ മിഴികളിൽ നിറച്ച
ആഴിയാകുന്നു നീയെന്നറിയുന്നു.
ജിവിതം ഉള്ളംകൈയ്യിലെടുത്തിനി
നീയാം സമുദത്തിൽ ഞാനൂളിയിടട്ടെ!
.......... ബിജു ജി നാഥ് വർക്കല ......
No comments:
Post a Comment