മുത്തേ നിന്നെ തിരഞ്ഞു.

ഈ കടലിലേക്കായിന്നു ഞാനൊരു
പ്രതീക്ഷയുടെ കളിവഞ്ചിയിറക്കുന്നു.
മുങ്ങാനറിയില്ല ,നീന്തലും വശമില്ല
എങ്കിലും ഉറ്റുനോക്കുന്നു ഞാൻ .

ആഴങ്ങളിൽ ഉണ്ടൊരു മുത്തതതൊ-
ന്നാരുമേ കവരില്ലെനിക്കുള്ളതാണ്.
എത്രയോ കാലമായി എന്നെയും
കാത്തത് ധ്യാനമാം ചെപ്പിലുറങ്ങൂ.
മുങ്ങാനറിയില്ല , നീന്തലും വശമില്ല
എങ്കിലും ഉറ്റുനോക്കുന്നു ഞാൻ
ഒരു കാലമുണ്ടെന്ന ഉൾവിളിയതൊ-
ന്നിന്റെ പിൻബലത്താൽ മാത്രം.
തുഴയുകയാണെന്റെ കളിവഞ്ചി
ഞാനാ മുത്തെന്നിലെത്തും വരേയ്ക്കും .
ഒരു നാളതുണ്ടാകുമെൻ തോണിമുങ്ങി -
യൊരു ചുഴിയെന്നെ കൊണ്ടു പോയീടും!
അതിലൂടെ ഞാനാഴങ്ങൾ താണ്ടിയാ
മുത്തിന്നരികിലെത്തീടും നിസ്സംശയം.
മുങ്ങാനറിയില്ല നീന്തലും വശമില്ല
എങ്കിലും യാത്ര തുടരുന്നു ഞാൻ .
എന്നെ പ്രതീക്ഷിച്ചു എനിയ്ക്കായ് ജനി-
ച്ചൊരാ മുത്തിന്നരികിലെത്തീടാൻ .
....... ബിജു ജി നാഥ് വർക്കല ....