Tuesday, May 17, 2016

വരുവാതിരിക്കാനാവില്ല തന്നെ ...


നിന്നിലെ വെളിച്ചത്തിൽ നിന്നുരുവാം
നിഴൽ മാത്രമാണ് ഞാൻ ഹേ സൂര്യ !
ഇരുളിൽ വേദനയാലലയും, നിന്നുടെ
വരവു കാത്തിരിക്കുന്നൊരുവൻ.

പുലരിയിൽ നിൻ മുഖം കാൺകേ
സന്തോഷമധികരിച്ചോടിയെത്തിയെൻ
ജീവന്റെ ഉണർവ്വിനെയാവാഹിച്ച്
പകലിന്റെ മാറിൽ പ്രതീക്ഷ തൻ
ക്ഷണിക ജീവിതം ജീവിച്ചു തീർപ്പവൻ.
വരികില്ലിനി പുതു ജീവനും വേണ്ടെന്നു
ഇരവുകളെ പറഞ്ഞു പഠിപ്പിക്കാൻ
പരാജയപ്പെട്ടവനാണ് ഞാനെങ്കിലും
പറയാതെ വയ്യ ഭാസ്കര ,നിൻ മുഖം
മനതാരിൽ മായാതിരിക്കും കാലം
വരുവാതിരിക്കുവാൻ എളുതല്ല.
അതൊന്നിനാൽ നിഴലാകുവാൻ
പതിവായ് ഞാൻ വരും മറന്നിടായ്ക നീ.
....... ബിജു ജി നാഥ് വർക്കല ......

No comments:

Post a Comment