Friday, November 8, 2013

എനിക്കറിയാം


എനിക്കറിയാം
ഒരു വിരല്‍ത്തുമ്പിന്‍
സ്പര്‍ശത്തിനപ്പുറം നിന്റെ നിശ്വാസമുണ്ടെന്നു .
എനിക്കറിയാം
ഒരു സന്ദേശത്തിനപ്പുറം
നിന്‍റെ ശ്വാസഗതി ഉയരുമെന്ന്
എനിക്കറിയാം
ഒരു വാക്കിനുമപ്പുറം 
ഹൃദയമിടിപ്പിന്റെ ചലനങ്ങളില്‍
എന്റെ ജീവിതം കുരുങ്ങി കിടക്കുന്നുവെന്നു .
എനിക്കറിയാം
ഞാന്‍ ജീവിതത്തെ
കാല്‍പ്പന്തു പോലെ തട്ടി കളിക്കുകയാണെന്ന്
എനിക്കറിയാം
മരണത്തിനപ്പുറവും
ഞാനെന്ന ജന്മം ആരുമറിയാതെ പോകുമെന്ന് .
എനിക്കറിയാം
ഇത് വായിച്ചു
നീ ഒന്ന് പൊട്ടിച്ചിരിക്കുമെന്നു
എങ്കിലും
എനിക്കെഴുതാതെ വയ്യല്ലോ സഖീ
----------------ബി ജി എന്‍ വര്‍ക്കല

1 comment:

  1. അതെ എഴുത്ത് എഴുതാതെ വയ്യ അറിയുന്നതോക്കെയും

    ReplyDelete