മഴനീർപ്പൂക്കൾ

മിനാരങ്ങളെ നിങ്ങൾ അറിയുമോ
മിഴികളിൽ മൌനം ഒളിപ്പിച്ചൊരീ
കുഞ്ഞു കിളിയെ , ദുഖത്തിന്റെ
മരുഭൂമിയെ കടഞ്ഞെടുത്തോരീ
വർഷ നിലാവിന്റെ നനുത്ത പുഞ്ചിരിയെ

പ്രഭാതങ്ങളെ നിങ്ങളറിയുന്നോ
ആശ്വാസത്തിന്റെ നിറചിരിയുമായി
ഒരു ദിനംകൂടി പ്രിയന്റെ സ്നേഹത്തിൽ
അമരുവാൻ കഴിയുമീ കിളിയുടെ മനം .

ഇരുണ്ട സായന്തനങ്ങളെ നിങ്ങളെ
കരയാനാകാത്ത മിഴികളുമായി
യാചനയുടെ കരങ്ങളുയർത്തി നോക്കുന്ന
നിഴലിന്റെ പ്രിയയെ അറിയുന്നില്ലയോ ?

മനസ്സിൽ പ്രിയനോടുള്ള പ്രണയവും
എകാന്തതയോടുള്ള ഭയവും നിറയുന്ന
കിളിയുടെ വേദനയിൽ ഉള്ളു പൊള്ളുമ്പോൾ
മനസ്സേ നീയെന്തേ കൊതിക്കുന്നു
വാരിപുണർന്നാ മൂർദ്ധാവിൽ ചുംബിക്കാൻ.
------------------------ബി ജി എൻ വർക്കല