Saturday, January 31, 2015

ഇത് നിന്റെ ചരിത്രം .

നിനക്കില്ലൊരാകാശം
നിനക്കില്ലൊരു ചില്ലയും
നീ പറക്കാന്‍ കൊതിക്കുമീ
നീലവാനം നിനക്കന്യം  .

കാടുവെട്ടി തെളിച്ചിട്ടും
കുന്നുകള്‍ നിരത്തിയും
കാലനായി വിളങ്ങുന്നു
കായി നോക്കും മാനവന്‍.

ഉയരുന്നു ഹര്‍മ്മ്യങ്ങള്‍
ഉയരുന്നു രോദനങ്ങള്‍
ഉയിര് പോകും ജീവിതങ്ങള്‍
ഉറങ്ങുന്നധികാരവര്‍ഗ്ഗം .

ഇവിടെയില്ല നീരുറവകള്‍ 
ഇവിടെയില്ല നെന്മണികള്‍
ഇവിടെയില്ല പൂത്ത മാമരം
ഇവിടെയില്ല മനുഷ്യത്വം .

മതിലുകള്‍ പണിയും നാടുകള്‍ 
മതങ്ങള്‍ ഉയര്‍ത്തും  ആലയം
മനസ്സുകള്‍ തീര്‍ക്കും വേലികള്‍
മായയായി മറഞ്ഞു മാനവന്‍ .
------------ബിജു ജി നാഥ്


1 comment:

  1. സ്വാര്‍ത്ഥതയേറിയ കാലം.
    ആശംസകള്‍

    ReplyDelete