ജീവിതത്തിന്റെ പാതകളില്‍
ഓര്‍ക്കാപ്പുറങ്ങളില്‍ മാത്രമാണ്
കാവല്പ്പുരകള്‍ ചുവപ്പ് കാണിച്ചും
വാതിലടച്ചും നമ്മെ തടയുക !
തിരക്കിന്റെ അതിവേഗതകളില്‍
തടഞ്ഞിടുന്ന ചില നിമിഷങ്ങള്‍
കാത്തു നില്‍പ്പിന്റെ നെല്ലിക്ക നീരില്‍
കാലത്തെ ഓര്‍മ്മിക്കുന്നിടങ്ങള്‍ .
തടയണകള്‍ ഭേദിച്ച് പോകുക
മൃതിയുടെ കറുത്ത കരങ്ങളിലാകാം
സ്മൃതിഭ്രംശമാകം ,നഷ്ടപ്പെടലുകള്‍
തന്‍ തീരാ ദുഖങ്ങളാകാം ശേഷിപ്പുകള്‍
ചില കാത്തുനില്പ്പുകള്‍ നല്‍കും
നഷ്ടങ്ങള്‍ നികത്തുവാനാകാതെ പോകാം
ജീവിതങ്ങള്‍ , ജീവനുകള്‍ ,ബന്ധങ്ങള്‍
തന്‍ കൂടിച്ചേരലുകള്‍, വിട്ടുപോകലുകള്‍ .
എങ്കിലും നാം കരുതിയിരിക്കേണം
ഓരോ തിരുവുകളിലും , കവലകളിലും
കൈ നീട്ടി നില്‍ക്കുന്ന , അടഞ്ഞു പോം
കാവല്‍ മാടങ്ങളെ ജാഗ്രതാമനമോടെന്നും .
-------------------------------ബിജു ജി നാഥ്
കണ്ണും,കാതും,തുറന്നിരിക്കുക
ReplyDeleteബോധം കൈവിടാതിരിക്കുക
ആശംസകള്‍