കിളികൾ

വാനിൽ വിലസി നടക്കും പക്ഷികൾ

അഞ്ചുണ്ടെന്നാൽ ഒന്നല്ലോ

മണ്ണിൽ പാദമമർത്തുമ്പോഴും

മിഴികൾ  രണ്ടും മേലേക്ക്
ഒന്നാമൻ കിളി മണമറിയുന്നോൻ
മതിവരുവോളം മദിക്കുന്നോൻ
രണ്ടാമൻ കിളി രസമറിയുന്നോൻ
രസനകൾ തോറും രമിക്കുന്നോൻ
മൂന്നാം കിളി നിറമറിയുന്നോൻ
വർണ്ണങ്ങളിൽ നീരാടുന്നോൻ
നാലാം കിളിൽ ലയമറിയുന്നോൻ
ലാസ്യനിബദ്ധം വിരാജിപ്പോൻ
അഞ്ചാംകിളിയത് മുകരുന്നുണ്ട്
സ്നിഗ്ധതയോലും സ്നേഹക്കടലിനെ
എങ്കിലുമെങ്കിലും കിളികൾ തന്നുടെ
കണ്ണുകളെന്നും മേലോട്ട് .
-----------ബി ജി എൻ വർക്കല -----