സ്നേഹത്തിന്റെ തമോഗർത്തങ്ങളിൽ
വികാരതയുടെ ശീതക്കാടുകളിൽ
നിരാസത്തിന്റെ മരുഭൂമികളിൽ
പ്രണയം തേടിയലയുന്നു ഞാൻ .!
വിരുദ്ധതയുടെ കാന്തികതലങ്ങളിൽ
പ്രേമത്തിന്റെ ജലരേഖകളിൽ
പുഞ്ചിരിയുടെ മുഖം മൂടികളിൽ
പ്രണയം തിരഞ്ഞു തളരുന്നു ഞാൻ
രാവിൻ മരവിച്ച ഹിമശൈലങ്ങളിൽ
വാക്കിലുറങ്ങുന്ന അഗ്നിപർവ്വതങ്ങളിൽ
മിഴിയമ്പുകളുടെ സൂര്യതാപത്തിൽ
പ്രണയം പിടയുന്നെന്നിൽ മൂകം !
ആസക്തിയുടെ സുനാമിത്തിരകളിൽ
സ്വപ്നങ്ങളുടെ തീരാമഴമേഘങ്ങളിൽ
പരിഭവങ്ങളുടെ പൂവിടരും പാതിരാചൂടിൽ
പ്രണയമെന്നെ കാർന്നുതിന്നുന്നതിവേഗം .
---------------ബി ജി എൻ വർക്കല --------
തേടിയലയാനും മുങ്ങിത്തപ്പാനുമുള്ളതാണ് പ്രണയം.
ReplyDelete