Friday, October 11, 2013

സൗഹൃദം


എത്രയോ ദൂരെ നിന്നും കാതിനരികില്‍
എത്രയോ കാലം പ്രതീക്ഷിച്ചിരുന്ന പോല്‍
അത്ര ഹൃദ്യം , ലോലമീ മൃദുവാക്കുകള്‍
എത്ര കഠിനമതിനെ ബന്ധിക്കുവാന്‍ .

ഇഷ്ടമേറെ തരുമൊരു സൌഹൃദ
നഷ്ടഭാഗ്യങ്ങള്‍ക്ക് നടുവിലായ്
ചിത്തമിന്നേറ്റം കുതിക്കുന്നതെന്തി -
ത്രമേല്‍ നാളെങ്ങുമില്ലാത്ത പോല്‍ .

ശൂന്യതയിങ്കലില്‍ നിന്നുമേ വന്നു നീ
സ്നേഹമോടെന്നെ തഴുകി കടന്നു പോകേ
അര്‍ത്ഥമില്ലാത്ത വാക്കുകള്‍ തേടി ഞാന്‍
ഈ ഇരുട്ടില്‍ അലയുന്നതെന്തിനോ .
-----------------ബി ജി എന്‍ വര്‍ക്കല

No comments:

Post a Comment