Sunday, February 19, 2012

ഞാന്‍

എന്റെ പേര് എന്തെന്ന് 
എനിക്കറിയില്ല
നിങ്ങളെനിക്കൊരു പേരിടു.
ചിലപ്പോള്‍ ഞാന്‍ ഉസ്താതാണെന്നും
ചിലപ്പോള്‍ ഞാന്‍ ഒരു വക്താവാണെന്നും
എനിക്ക് തോന്നാറുണ്ട്.

എന്റെ കണ്ണടയില്‍
സ്ത്രീകളെ കാണുമ്പോള്‍
അവര്‍ക്ക് നിറമേറും
ചിലപ്പോള്‍ ഞാനൊരു പെണ്ണാകും.

കാമം നിറഞ്ഞ മദാലസ
കടമിഴിക്കോണിലൂടെ പലരെയും
ഞാനാ പനമുകളില്‍ എത്തിച്ചിട്ടുണ്ട്.

ചിലപ്പോള്‍ ഞാന്‍ ഒരു താത്വികനാകും
രണ്ടക്ഷര കളരികളില്‍ ഞാനെന്‍
പേന ഒരു ഖഡ്ഗം ആയ്ക്കും.

എന്റെ രചനകളെ ഞാന്‍
വാനിലെ നക്ഷത്രത്തോടും
എന്റെ ചിന്തകളെ കടലിന്റെ
പരപ്പിനോടും ചേര്‍ത്ത് വയ്ക്കുന്നു.

നരച്ചു തുടങ്ങിയ എന്റെ നെഞ്ചിലെ  രോമം
ലെന്‍സ്മാന്റെ ഷര്‍ട്ടില്‍  ഞാന്‍ ഒളിപ്പികും
പിന്നെ കറുപ്പിച്ച മുടി കാട്ടി
കാമദേവന്റെ കിന്നാരം പറയും.

എന്നെ അറിയുന്നുവോ നിങ്ങള്‍
ഇല്ലെങ്കില്‍ വരൂ അറിയൂ
നിങ്ങള്‍ക്ക് ഞാന്‍ ആരാകണം
ആണോ അതോ പെണ്ണോ ?
========ബി ജി എന്‍ =================

No comments:

Post a Comment