നമുക്കിടയിലെ
ദൂരക്കാഴ്ചകളില്‍
പ്രണയം വിടരുന്നതും
നിന്റെ മിഴികള്‍
നക്ഷത്രമാകുന്നതും
ഒരു പോലെ ആകുന്നു.
എനിക്കായ് നിന്‍
അധരങ്ങള്‍ വിടരുമ്പോള്‍
പവിഴമുത്തുകള്‍
ഒളി ചിമ്മികളിക്കുന്നു.
കാച്ചെണ്ണയുടെ മണമാര്‍ന്ന
നിന്റെ ചികുരഭാരത്തില്മുഖം പൊത്തുമ്പോള്‍
എന്റെ ഇടനെഞ്ചില്‍
തിമില മുറുകുന്നു.
എന്റെ നെഞ്ചിലമരുന്ന
നിന്റെ സ്നിഗ്ധ മാര്‍ദ്ദവം
എന്റെ ഇടയ്ക്കയില്‍
ദ്രുത താളമായ് പടരുന്നു.
പരസ്പരം തോളോട് തോള്‍
ചേര്‍ന്ന് ഒന്നായ്‌
അമര്‍ന്നു നില്‍ക്കാന്‍
എന്ന് നീ വരും
കിനാവിലല്ലാതെന്‍ പ്രിയേ..?
നിശാഗന്ധിയുടെ സൌഗന്ധികവുമായ് ..
നിന്റെ ചിത്രകൂടങ്ങളില്‍ ഒരു നാഗമായ്
ഞാന്‍ ഒളിച്ചു കളിക്കുന്ന
കാലം വഴിമാറുന്ന ആ ദിനം
നമ്മള്‍ നമ്മുടെതാകും ആ ദിനം..!
-------------ബി ജി എന്‍ ---------------------------------
No comments:
Post a Comment