എഴുതിയും മായ്ച്ചുമീയുടലുകളിങ്ങനെ
ക്ഷിതിയിൽ ചരിപ്പതിനിയെത്ര നാൾ?അതിനും ഒരുമാത്ര മുമ്പേ പ്രിയേ നിൻ
മനസ്സിൽ കുറിക്കുകിന്നീ മൊഴികൾ.
ഓർക്കാൻ മറന്നീടിലുമുണ്ടാവതില്ല നിൻ
ചിത്തത്തിലിറ്റു കണ്ണുനീരെങ്കിലും
പറയാതെ പോകുന്നതെങ്ങനെ ഇന്നെൻ
മനമത് നീയൊട്ട് കാണാതെ പോകവേ.
എത്ര തമസ്സതിൻ ഗഹ്വരതയിൽ വീണ് നിൻ
ഹൃത്തടം ഊർദ്ധ്വം വലിച്ചിരിക്കാം.
ഹന്ത! ചമത്കാര ഗീതികകൾ കണ്ടു നീ
ആരാധനയാൽ മിഴിവിരുന്നൂട്ടവേ.
ശപ്തമാം പ്രണയത്തിൻ വഴുവഴുപ്പിൽ
അവർ നിൻ നഗ്നത ഒപ്പിയകന്നേക്കാം.
ഇല്ലതങ്ങനയൊന്നുമേയില്ലെന്നു വൃഥാ
ചൊല്ലിപ്പഠിപ്പിച്ചു തളർന്നിരിക്കുമ്പോഴും.
ഇല്ല പരാതികൾ ചൊല്ലിടാനായ് കേവലം
സ്വന്തമെന്നുള്ള പദം കൊണ്ടീ ലോകത്ത്.
മെല്ലെ നടന്നകന്നീടുക നീ, നിൻ മുന്നിലെ
മോഹവലയത്തിലേക്കിനി നിസ്സംശയം.
.@ബിജു ജി.നാഥ്
No comments:
Post a Comment