പ്രണയകേളികള്‍

വിരല്‍കൊണ്ട്ചിത്രംവരയ്ക്കും
ചിത്രകാരനല്ല ഞാന്‍ എങ്കിലും,
പ്രിയേ നിന്‍ മേനിയില്‍ ഇന്നെൻ
അധരങ്ങളാല്‍ ചിത്രം രചിക്കുന്നു .

വിഷലിപ്തമല്ലാത്ത നിന്റെ മിഴികളില്‍
നിന്നും എന്റെ സഞ്ചാരം തുടങ്ങുമ്പോള്‍
കൂമ്പും മിഴികള്‍ കാതരമായി ചൊല്ലുന്നു
നിന്‍ നാണം മുങ്ങിയ പരിഭവങ്ങള്‍ .

നിന്റെ നനവൂറുമധരങ്ങള്‍ വിടരുമ്പോള്‍
എന്റെ നാവിനു രുചിയാകുന്നുണ്ട്
നിന്‍ ചായം തേക്കാത്തൊരീയല്ലികൾ
ആസക്തിയുടെ ഉമിനീരില്‍ കുതിർന്ന് .

പിന്‍കാതിലൊരു നിശ്വാസമായി,
തപിക്കുന്ന ഊഷ്മാവായി ഞാന്‍ മുകരവേ
ഒരു വിദ്യുത് തരംഗം പോലെ നിന്‍
തനു പിടയുന്നതറിയുന്നു ഞാന്‍ .

വിയര്‍പ്പു കുതിരുന്നോരീ മാറിന്‍ നടുവില്‍
ഒച്ചിനെ പോലെന്റെ ചുണ്ടുകള്‍.
സഖീ,നിന്റെ രോമകൂപങ്ങളുണരുന്നതും,
മുലക്കണ്ണുകൾ ത്രസിക്കുന്നതുമറിയുന്നു .

എന്റെ ചുണ്ടിന്‍ സ്പര്‍ശനമാത്രയില്‍
നിന്റെ മാറിടം ചുരത്തി തുടങ്ങുന്നു ,
ഒരു കുഞ്ഞായി നിന്‍ മുലകളില്‍ ഞാന്‍
വിശപ്പിന്റെ ആദ്യാക്ഷരമെഴുതുന്നു .

സഞ്ചാരത്തിന്റെ ആദ്യപാതിയില്‍ നിന്നും
അടിവയറിന്റെ ആലിലത്തുടിപ്പുകളില്‍
അധരങ്ങള്‍ തിരഞ്ഞു തുടങ്ങുന്നുണ്ട്
കളഞ്ഞു പോയ മുത്തുകളെ ശലഭംപോൽ .

മൃദുലമാം കരങ്ങളാല്‍ നീ തള്ളി നീക്കിയ
ചുംബനക്കാടുകൾ

വിശ്രമിക്കാന്‍ കഴിയാതലയുന്നുണ്ട് സ്നിഗ്ദ്ധത നിഴല്‍വിരിക്കുന്ന
ഏകാന്ത തീരങ്ങളില്‍ ഭ്രാന്തനെപ്പോല്‍

വാഴപ്പോളയില്‍ നിന്ന് മധുനുകരുമൊരു
കടവാവലിൻ ചിറക് വിടർത്തുമ്പോൾ
അണക്കെട്ട് തകര്‍ന്നിരച്ചു വരുന്നുണ്ട്
കടലോളം മോഹങ്ങള്‍ ചരല്‍ക്കല്ലുകളായ്

@ബിജു ജി.നാഥ്