പുഞ്ചിരി

-----------

നനുത്ത നിലാവ് പോലെന്‍

പ്രഭാതങ്ങളില്‍ വിരുന്നു വരും

ഉഷസ്സിന്റെ സഹയാത്രികയാം

നിന്‍ മന്ദഹാസം, എന്‍ പുലരി .

അരുതുകള്‍ പറഞ്ഞും കലഹിച്ചും

ദിനമത് പാഞ്ഞു പോകിലും

വരുമെന്ന പ്രതീക്ഷയോടെ രാ-

ക്കിനാവിലേയ്ക്ക് ഞാനുറങ്ങുന്നു നിത്യം .

കരുത്തുള്ള വാക്കുകളാലും കനം തൂങ്ങും മുഖത്താലും

നിഷേധത്തിന്‍ മൗനത്താലും എന്നെ നീയളന്നിടുമ്പോള്‍

പിടയുന്ന കരള്‍ കാണാന്‍ കരുത്തില്ലാതെ തളരുന്ന

പേലവ ഹൃദയം കണ്ടു തകരുന്നെന്‍ ഇടനെഞ്ച്.

@ബിജു ജി.നാഥ്