പുതിയ പ്രപഞ്ചം
----------------------
ഒന്നിന്നുമില്ലാതെ , എങ്ങുമില്ലാതെ
ആരുമല്ലാതെ ആരുടെയുമല്ലാതെ
ഇഷ്ടങ്ങളില്ലാതെ ആവശ്യങ്ങളില്ലാതെ
എത്രയോ കാലമാകുന്നു ജീവിതം ?
എന്തിനാകും പുലരിയില്‍ നിന്നും
നിന്നെയെന്നും ഞാന്‍ ഓര്‍ത്തെടുക്കുന്നത് .
എന്തിനാകും ഇഷ്ടമില്ലാതെയും നീ
എന്റെ വാക്കുകള്‍ക്ക് മറുകുറിയാകുന്നത്.
ചോദ്യങ്ങള്‍ക്കപ്പുറം നിന്റെ മിഴികള്‍ ,
അവയില്‍ ഉറഞ്ഞുകിടക്കുന്ന ശൈത്യം
എന്റെ അഗ്നിയെ എരിച്ചുകളയാനും
എന്നിലെ ദാഹത്തെ ശമിപ്പിക്കാനും .
എന്തിനാകാമീ പകലുകളെ ഞാന്‍ സ്നേഹിക്കുകയും
രാവിനെ കാമിക്കുകയും ചെയ്യുന്നത് ?
എന്തിനാകം നിറങ്ങളെ പ്രണയിക്കുകയും
രാഗങ്ങളെ വാരിപ്പുണരുകയും ചെയ്യുന്നത് .
നീയൊരു ന്യൂക്ലിയസ്സാകുന്ന പോലെ
പ്രപഞ്ചം നിന്നിലേക്ക് ചുരുങ്ങുന്നതുപോലെ.
നെബുലകളില്‍ നിന്നും വേറിട്ടൊന്നായി ,
എനിക്കു പ്രദക്ഷിണം ചെയ്യാന്‍ മാത്രം .
@ബിജു ജി.നാഥ്
No comments:
Post a Comment