Monday, November 16, 2015

കിനാവിന്റെ കണ്ണാടി കവിളുകള്‍


നിര്‍മ്മല സ്നേഹമേ നിന്നുടെ മാനസം
എന്നിലെ ചിതയില്‍ എരിഞ്ഞിടുമോ ?
സുന്ദരഗാത്രമേ നിന്നുടെ കളമൊഴി
എന്നിലെ കാവ്യമായ് വിരിഞ്ഞീടുമോ?

നിന്നുടെ അളകങ്ങള്‍ മാറിലേയ്ക്കായിട്ടു
സുന്ദരീ നീ പൊട്ടി ചിരിക്കുമെങ്കില്‍
നനഞ്ഞോരീറന്‍ തനുവെ മാറിലണിഞ്ഞു
കുഞ്ഞിളം ചൂടേകി ഞാനുണര്‍ത്തീടാം.

കണ്ണിലെ രാഗങ്ങള്‍ കണ്ടുകൊണ്ടിന്നു
നിന്‍ മടിത്തട്ടില്‍ ഞാന്‍ മയങ്ങിടട്ടെ
നിന്നിലെ സ്നേഹത്തിന്‍ ഊറിടും നനവെന്‍
ചുണ്ടിണകളില്‍ നീ പകരുകില്ലേ.
---------------------ബിജു ജി നാഥ്

1 comment:

  1. ലളിതമായ മനോഹരകവിത.....
    നന്മകള്‍ നേരുന്നു....

    ReplyDelete