നിന്നെ കുറിച്ചൊരു കാവ്യം രചിക്കാന്‍
നീണ്ട രാവുകളെത്ര നിദ്ര വിട്ടിരുന്നിട്ടും
ഒരു വരിപോലും എഴുതുവാനായില്ല -
റിവൂ ഞാനൊരു കവിയല്ലെന്നിന്നു.
നിന്നെ വരയുവാന്‍ ചായവുമായ്
എത്ര നാളുകള്‍ തപം ചെയ്തുവെ-
ന്നാലില്ലൊരു വരപോലും വരയ്ക്കാ-
നറിവൂ ഞാനൊരു ചിത്രകാരനല്ലിന്നു .
നിന്നെ മെനയുവാന്‍ കരിമ്പാറ മുന്നി-
ലിരുന്നൊരുളിയുമായെത്ര നാളുകള്‍
ഇല്ല കഴിഞ്ഞില്ലൊരു മാത്രപോലു-
മറിയുന്നു ഞാന്‍ ശില്പിയല്ലൊരിക്കലും.
കവിയാകാന്‍ കഴിയാതക്ഷരവും,
ചിത്രകാരനാവാതെ ചായങ്ങളും
ശില്പിയാകാതുളിയും കളയവേ നീ
മറയുന്നു നിഴല്‍പോലിരുളിലേക്ക് .
-------------------ബിജു ജി നാഥ്
നിഴല്‍രൂപങ്ങളായി മറയുമ്പോള്‍ ഭാവന ചിറകിലേറിയെത്തും!
ReplyDeleteആശംസകള്‍