എനിക്ക് നിരാശ തോന്നുന്നു ..!
നിരന്നു നില്‍ക്കുന്ന പച്ച വെളിച്ചത്തില്‍
വിപരീത ലിംഗങ്ങളെ തിരഞ്ഞു പിടിച്ചു
അവര്തന്‍ സ്വകാര്യതയിലേക്ക്
വികാരത്തിന്റെ വിത്തുകള്‍ പാകാനും,
പ്രേമത്തിന്റെ പൂവുകള്‍ ചൊരിയാനും ,
സഹതാപത്തിന്റെ മുള്ളുകള്‍ വിതറാനും,
അനുമോദനത്തിന്റെ പറുദീസാ വിരിക്കാനും
കഴിയാതെ പോയതില്‍ ...!
അങ്ങനെ ആയിരുന്നെങ്കില്‍
എന്റെ ദിനങ്ങള്‍ വരണ്ടുഉണങ്ങിയും
എന്റെ രാവുകള്‍ നനഞ്ഞു കുതിര്‍ന്നും
എന്റെ നിദ്രകള്‍ സ്വപ്നഭാരിതവും
എന്റെ വാമഭാഗം അശ്രീകരവുമായേനെ ..!
ലോകത്തിലെ എല്ലാ വര്‍ണ്ണങ്ങളും ,
സാഹിത്യത്തിലെ എല്ലാ വര്‍ണ്ണനകളും,
അവര്‍ക്ക് വേണ്ടി ഞാന്‍ മുങ്ങിയെടുതെനെ
മക്കള്‍ക് ജന്മദിനമാശംസിചില്ലേലും
അവരുടെ വാര്ഷികങ്ങളും,
വിശേഷദിനങ്ങളും ആഘോഷമാക്കിയെനെ ..!
അവര്‍ക്കായ്‌ നാളെയുടെ നീക്കിയിരുപ്പുകളും
വിശേഷ ദിനങ്ങളുടെ സുഖങ്ങളും
അവധിക്കാലത്തിന്റെ ഓര്‍മ്മകളും
എല്ലാം സമര്‍പ്പിക്കാമായിരുന്നു ...!
------------------ബി ജി എന്‍ ----------
No comments:
Post a Comment