വായനയുടെ ശമന കാലം എന്ന് വിശേഷിപ്പിക്കാന് കഴിയുന്ന ജീവിതത്തിന്റെ ഓരോ നാള് വഴികള് ! അങ്ങനെ ഉള്ള ഒരു കാലത്ത് ആണ് ഞാന് ചിദംബരസ്മരണകള് വായിച്ചു തുടങ്ങിയത് . ബാലചന്ദ്രന് ചുള്ളിക്കാട് പണ്ട് മുതലേ മനസ്സില് ഒരു നല്ല സ്ഥാനം നല്കി ആദരിച്ചു പോകുന്ന കവി ആണ് . ക്ഷുഭിത യൗവ്വനത്തിന്റെ ആ തീക്ഷ്ണ സ്വരം ഇന്നും മനസ്സില് ഒരു വികാരം ആണ് . കാലത്തിന്റെ ചക്രത്തില് പെട്ട് ഓരോ അവസ്ഥാന്തരങ്ങള് കൈ വരിച്ചു പോകുന്നു എങ്കിലും ഇന്നും അദ്ദേഹം അതേ ഓര്മ്മ നിലനിര്ത്തുന്നു . എന്റെ വായനയില് ഞാന് ചിദംബര സ്മരണകള് എഴുതുമ്പോള് എനിക്ക് പ്രത്യേകിച്ച് ഒന്നും പറയാന് കഴിയുന്നില്ല അതിനെ കുറിച്ച് . കാരണം ബാലചന്ദ്രന് ചുള്ളിക്കാട് എന്ന ചെറുപ്പക്കാരന്റെ യൗവ്വനം ഒരിക്കലും പൂമെത്ത ചൂടിയതായിരുന്നില്ല എന്നത് നല്ല ഓര്മ്മ ഉള്ള വായനയാണ് . ജീവിതത്തിന്റെ പരുക്കന് പ്രതലങ്ങളില് പലവട്ടം ഉരസി മിനുക്കി എടുത്ത ആ കവി അത് കൊണ്ട് തന്നെ ആണ് കവിതകളില് കൂടി ജീവിതത്തെ ഇങ്ങനെ തീ തീറ്റിച്ചു കൊണ്ടിരിക്കുന്നതും . വര്ഷത്തില് നാലോ അഞ്ചോ കവിത മാത്രം എഴുതുന്ന എന്നെ കവി എന്ന് വിളിക്കാമോ എന്ന് സന്ദേഹം അദ്ദേഹത്തില് ഉണ്ട് എങ്കില് അത് ആ എളിമ മാത്രം ആയി കാണാനേ കഴിയൂ . എനിക്ക് തൊഴില് അറിയില്ല . എന്റെ ശരീരം കൊണ്ട് എനിക്ക് എന്നെ വില്ക്കാന് കഴിയുന്നത് ഈ അക്ഷരങ്ങള് മാത്രം ആണ് അത് ഞാന് ചെയ്യുന്നു എന്ന് സധൈര്യം പറയുന്ന ആ കവി ചെറുപ്പത്തിന്റെ , ആ കാലഘട്ടത്തിന്റെ എല്ലാ മേഖലകളിലും കടന്നു വന്ന ഒരു വ്യക്തി ആണ് . ഇന്ന് നാം ആരാധനയോടെ നോക്കി കാണുന്ന കവികളും എഴുത്തുകാരും ഒക്കെ അദ്ദേഹത്തിനെ സ്നേഹിച്ചിരുന്നു , അല്ലെങ്കില് സമശീര്ഷര് ആണ് എന്നത് വളരെ സന്തോഷം തരുന്ന കാര്യവും ആണ് .
'ചിദംബര സ്മരണകള്' വായിക്കുമ്പോള് എനിക്ക് അനുഭവപ്പെട്ട കാര്യം എന്താണ് എന്ന് ചോദിച്ചാല് ബാലചന്ദ്രന് ചുള്ളിക്കാടിന്റെ ഡയറി വായിച്ചു പോകുന്ന ഒരു അനുഭൂതി മാത്രം . അദ്ദേഹം പോയ ഇടങ്ങളും കണ്ട മനുഷ്യരും ജീവിച്ച പരിതസ്ഥിതികളും , കണ്ടു മുട്ടിയ വ്യക്തികളും ഒക്കെ പച്ചയായി വിവരിക്കുന്നു . താനെന്ന മനുഷ്യനെ സ്വയം തുണി അഴിച്ചു കാണിച്ചു കൊണ്ട് ഇതാണ് ഞാന് ഇതിനപ്പുറം മറ്റൊന്നും ഇല്ല എന്ന് കാണിക്കാന് ആര്ജ്ജവം കാണിക്കുന്ന ആ കവി എന്ത് കൊണ്ടും ആരാധ്യന് തന്നെ ആയി തീരുന്നു .
തന്റെ അനുഭവങ്ങളെ എഴുതി പിടിപ്പിക്കുമ്പോള് അതില് പൊടിപ്പും തൊങ്ങലും ഇല്ലാതെ അതിനെ പറയാന് കഴിയുന്നു . വേശ്യയെ വീട്ടില് വിളിച്ചു കൊണ്ട് വന്നതും , വീട്ടില് വന്ന പെണ്കുട്ടിയെ കയറി പിടിച്ചതും , മുല കുടിയ്ക്കാന് ഉള്ള ആഗ്രഹം തീര്ത്തതും ഒക്കെ ഇതിനു ഉദാഹരണം ആയി എടുത്തു കാണിക്കാന് കഴിയും . പറയാന് കഴിയുക എന്നത് വലിയ കാര്യമാണ് , പറയാന് ഒളിക്കുന്നത് പോലെ അല്ല അത് .
ബാലചന്ദ്രന് ചുള്ളിക്കാടിന്റെ സ്വകാര്യത , ആ മനുഷ്യന് ആരാണ് എന്നറിയാന് ഉള്ള വ്യഗ്രത ഉള്ളവര്ക്ക് വായിക്കാന് നല്ലൊരു പുസ്തകം ആണ് ചിദംബര സ്മരണകള് .
ആശംസകള്
ReplyDeleteവായിച്ചിട്ടില്ല
ReplyDelete