Tuesday, March 24, 2015

ഓര്‍മ്മ മധുരം

പുലരിയിലുണരുവാന്‍ നിന്നുമ്മയല്ലാതെ
പ്രിയതരമെന്തുണ്ട് ഉലകില്‍ പ്രിയേ !
ഇമകളില്‍ , കപോലങ്ങളില്‍ ഒഴുകിയവ
ഒടുവിലീ അധരത്തില്‍ വന്നു മരിച്ചീടുന്നു .

മഴയും വേനലും ശൈത്യവും ഇടകലര്‍-
ന്നൊരു വ്യാഴവട്ടം കടന്നു പോകിലും
ഒരുനാളും മുടങ്ങാതെ അര്‍ച്ചന ചെയ്യുവാ-
നരുമയാം ഓമല്‍ നീ അരികില്‍ വേണം .

കളിയായും കാര്യത്തിന്‍ ശരിയായുമെന്നും
പരിഭവം പറഞ്ഞും പിണങ്ങിയും
മിഴിനീര്‍ പൊഴിച്ചും കോപിച്ചും നഖമുന
അടയാളമിട്ടും ഓര്‍മ്മകള്‍ കൊഴിയണം.

കാത്തിരിപ്പിന്‍ സുഖം അകതാരിലറിയാന്‍
വിരഹത്തിന്‍ നോവ്‌ മനസ്സില്‍ പകരാന്‍
പരിഭവപ്പിണക്കങ്ങള്‍ പറഞ്ഞു തീര്‍ക്കാന്‍
ഒരു പുതപ്പില്‍ ഒരുമിച്ചുറങ്ങാന്‍ വരിക നീ
---------------------------ബിജു ജി നാഥ്

1 comment:

  1. വിരഹവേദന!
    ആശംസകള്‍

    ReplyDelete