മിഴികളടച്ചു നീയുറങ്ങുമീ രാവില്‍
മൊഴികളടച്ചു ഞാന്‍ കാവലാകും.
മനസ്സ് പൊടിഞ്ഞെഴുതുവാനായ്
മഷിയായെന്‍ ഹൃത്തിന്‍ നിണമുണ്ട്.
അധികമായൊന്നും ചോദിച്ചതില്ല-
വനിയില്‍ പ്രിയേ ഞാനൊരിക്കലും.
നിന്‍ പ്രണയവും മൃദുസ്മേരവും
മധുരമോലും കുഞ്ഞു ചുംബനങ്ങളും
നേടി മരണം വരേയ്ക്കും കഴിയാന്‍
കൊതിപൂണ്ട്‌ വന്നൊരീ വികലജന്മം
നിന്റെ വഴികളില്‍ ചരല്‍ക്കല്ലാകുന്നുവോ !
പടരും കണ്ണുനീര്‍ തുടച്ചു നീയിരുളില്‍
പിടയും മനസ്സിനെയൊളിപ്പിച്ച്
തെരുതെരെയകലേക്ക് തള്ളിയെറിയുമ്പോള്‍
തകരുന്ന നിന്‍ മനമറിയുന്നു ഞാന്‍.
ചിരിപാകി മുഖമാകെ വികൃതമാക്കിയിന്നു-
നിന്‍ പൂമുഖത്തിണ്ണയില്‍ ഞാനിരിക്കെ.
അറിയുക നിന്‍ മുഖം കണ്ടീടെണം
മരണം വന്നെന്നെ കൊണ്ട് പോകും വരെ.
--------------------------ബിജു ജി നാഥ്
ReplyDeleteമിഴികളടച്ചു നീയുറങ്ങുമീ രാവില്‍
മൊഴികളടച്ചു ഞാന്‍ കാവലാകും.
മനസ്സ് പൊടിഞ്ഞെഴുതുവാനായ്
മഷിയായെന്‍ ഹൃത്തിന്‍ നിണമുണ്ട്
നല്ല വരികള്‍
നന്നായിട്ടുണ്ട്
ReplyDeleteആശംസകള്‍