കോമാളികളുടെ ലോകം.
......................................
ഇരുട്ട്
പകൽ
വെളിച്ചം
ചുറ്റും കടൽ
നീലാകാശം
വെറുപ്പിന്റെ ചാരനിറം
ഇഷ്ടത്തിന്റെ പീതനിറം
ഇതല്ലല്ലോ....
എനിക്കിഷ്ടം
പ്രണയത്തിന്റെ ചുവന്ന നിറം.
ഗുൽമോഹറിന്റെ
കണ്ണഞ്ചിക്കുന്ന ചുവപ്പ്
ഇല്ലയെന്നാണ് നീ പറയുന്നതെങ്കിൽ
ശരിക്കും
എനിക്കിഷ്ടം
മരണത്തിന്റെ നിറം മാത്രമാണ്.
ഊത നിറമാർന്ന
പിംഗളകേശിനിയെ
മതിയാവോളം പ്രണയിക്കാം ഞാൻ.
അതേ....
വയ്യാഞ്ഞിട്ടു തന്നെയാ.
നീയില്ലാതെ ഒട്ടും വയ്യാത്തതിനാൽ
പ്രണയമില്ലാതെ ജീവിതം വിരസമായതിനാൽ
പ്രണയിച്ചു തുടങ്ങട്ടെ ഞാൻ.
നിനക്ക് പകരം
നിന്നെക്കാളും സുന്ദരിയായ
അവളെ
മരണത്തെ .
സ്വപ്നം കണ്ടു തുടങ്ങട്ടെ ഞാൻ .!
..... ബിജു.ജി.നാഥ് വർക്കല
എന്റെ ലോകത്ത് ഞാന് സ്വതന്ത്രനാണ് എന്നാല് നിങ്ങളുടെ മുന്നില് വളരെ എളിയവനും . അതിനാല് നിങ്ങളുടെ സ്നേഹവും ശകാരവും എനിക്ക് ഒരു പോലെ പൂമാല ആണ്.
Tuesday, April 30, 2019
കോമാളികളുടെ ലോകം.
Subscribe to:
Post Comments (Atom)
No comments:
Post a Comment