ഞാനങ്ങനെയാണ് .

എന്റെ കൂടെ സഞ്ചരിക്കുക എന്നാൽ
കല്ലും മുള്ളും ചവിട്ടുക എന്നാണ് .
എന്റെ കൂടെ വരികയെന്നാൽ
മാലിന്യങ്ങളാലും ചീമുട്ടകളാലും
എറിയേല്ക്കുക എന്നാണ് .
എന്റെ കൂടെ നില്ക്കുകയെന്നാൽ
ആയുധമുറിവുകളാലും
വാക്ശരങ്ങളാലും
ദേഹിയെ പീഢകൾക്ക് വിട്ടുകൊടുക്കലെന്നാണ്.
എന്റെ കൂടെ കൂടുകയെന്നാൽ
മരണത്തെ ഇരന്നു വാങ്ങലാണ്.
ഞാനിങ്ങനെയാണെങ്കിലും
എന്നിലെ ആത്മാവ് നിത്യവും
പ്രണയത്തിനായ് ദാഹിക്കുകയാണ്.
എന്റെ കൂടെയുണ്ടാവുക എന്നാൽ
നമ്മൾ പ്രണയത്തിലാണെന്നാണ്.
.... ബിജു.ജി.നാഥ് വർക്കല