നമുക്കിനി വാക്കുകള്‍ മാറ്റി പറയാം !
നോവു പാടങ്ങളില്‍ നമുക്ക് പുഞ്ചിരി വിതയ്ക്കാം
പ്രഭാതത്തിന്‍ കുളിരിനെ തീകൊണ്ട് കെടുത്താം .
വിശപ്പിനെ വാക്കിന്റെ വിശറിയാല്‍ ഉറക്കാം .
ഇത് വിനോദകാലം !
വരകള്‍ കൊണ്ട് വരയുന്ന
നടനത്തിന്‍ വസന്തകാലം .
കണ്ണുകളില്‍ കുത്തിനോവിച്ചു കൊണ്ട് ചിരിക്കും
ജീവിതത്തിന്റെ ചുടുകാടുകളേ
നിങ്ങളെ സ്വപ്നം കാണാന്‍ കഴിയാത്തവന്റെ ശബ്ദം
കേള്‍ക്കുമോ ഒരിക്കലെങ്കിലും ?
പടരുന്ന തീനാളങ്ങള്‍
ഇതളുകളെ എരിയിച്ചു മൃതിയടയുമ്പോള്‍,
തുളസിത്തറയില്‍
കനലുകോരിയിട്ടു മൂധേവിയെയകറ്റുമീ സന്ധ്യകള്‍
നമുക്കിനി പറഞ്ഞു തന്നേക്കാം
രതിയുടെ പറങ്കിമാവിന്‍ കൊമ്പുകള്‍
എന്തിനായി ഉലഞ്ഞാടുന്നുവെന്നു .
------------------ബിജു ജി നാഥ്
പറയൂ...പറയൂ....രതിയുടെ പറങ്കിമാവിന്‍ കൊമ്പുകള്‍
ReplyDeleteഎന്തിനായി ഉലഞ്ഞാടുന്നുവെന്നു .