ഞാനെന്ന ഞാൻ

ഉള്ളു തുറന്നാൽ കാണുവതെന്നുടെ
നേരിൻ മുഖമെന്നറിയുമ്പോൾ
കണ്ണ് തുറന്നു കരയും എന്നുടെ
കണ്ണീരാരും കാണില്ല.

ചില്ലകൾ തോറും ചാടി നടക്കും
വാനരനെന്നുടെ മനസ്സെന്നാൽ
കെണിയില്ലാതെ കുരുങ്ങിയിതല്ലോ
കണ്മണി നിന്നുടെ കണ്മുനയിൽ.

വാനം നോക്കി പാറുന്നുണ്ടൊരു
പ്രാവിൻ മനമെൻ സ്വപ്‌നങ്ങൾ
കാർമേഘത്തിൻ മറയാലെന്നും
പെയ്തമരുന്നീ മണ്ണിൻ 

മുങ്ങാം കുഴിയിട്ടമരുന്നുണ്ടേ
മോഹങ്ങൾ  തൻ പവിഴം തേടി
ജീവനമാമൊരു നിശ്വാസത്തിൻ
കുമിളകൾ തിരികെ വിളിക്കുന്നു .
-----------------ബി ജി എൻ