പാതയോരം മഞ്ഞു മൂടും കാലമതെത്തിടും മുന്നേ
യാത്രയാകണമെനിക്കെന്റെ നേത്രമെത്തും ദൂരം .
കണ്ടുമുട്ടില്ലെന്നു ചൊല്ലും നിമിഷമെന്‍ ഉള്ളിലായ്
കണ്ടിടാനുള്ള മോഹം വന്നിടുന്നു തീവ്രമായി.
നമ്മള്‍ രണ്ടു കാലമാകും ദൂരമേകും യാത്രകള്‍
ഒന്നിലും എന്‍ പാദങ്ങള്‍ക്ക് വിഘ്നമാകില്ലോര്‍ക്കുക.
ലോകമൊരു കുഞ്ഞു പന്തായി കണ്ടിടുന്നു ഉള്ളിലെന്‍
കണ്ടുമുട്ടാന്‍ കാത്തിരിക്കാന്‍ ചൊല്ലുവാനാകില്ലെങ്കിലും
കാലമത് നല്‍കിടും നിമിഷം നിന്‍ പടിവാതിലില്‍
പാദരക്ഷ അഴിച്ചു വച്ചുള്ളില്‍ ഞാന്‍ വരും നാളത് .
അന്ന് നമ്മള്‍ കണ്ടു നില്‍ക്കും കണ്ണുകള്‍ പരസ്പരം
ചുണ്ടുകളാല്‍ നീ മൊഴിയും സ്നേഹവചനങ്ങളും .
നിന്റെ വിരല്‍ തുമ്പിലൊന്നു തൊട്ടുകൊണ്ടന്നു ഞാന്‍
വിടപറഞ്ഞകലും നിന്‍ നിഴല്‍ വീണിടാ ദൂരത്തില്‍ .
കാത്തിരിപ്പൂ ഞാനതിന്നൊരീ തമസ്സിന്‍ കൂട്ടിലായ്
കാലമെത്തും നേരമെന്നെന്നോര്‍ത്തു കൊണ്ടെന്‍ സഖി.
------------------------ബി ജി എന്‍ ----------
No comments:
Post a Comment