Tuesday, March 13, 2012

മതമൈത്രി


ഒരു ചന്ദന മുട്ടി വേണം
എനിക്ക് മോക്ഷത്തിനായ്‌
എരിഞ്ഞടങ്ങുവാന്‍.
ഒരു മീസാന്‍ കല്ലിന്റെ താഴെ
എനിക്ക് മിഴി അടച് ഉറങ്ങണം 
എന്റെ പരമ്പരയുടെ
കുഴിമാടത്തില്‍ എന്നെയും
അവസാന നാളിന്‍ വിധിക്കായ്‌
കാത്തുകിടക്കാന്‍ അനുവദിക്കണം
ഒസ്യതുകളില്‍ ഇല്ലാത്ത
എഴുതപെടാത്ത ഒരു വിധിയുമായ്
ആയിരുന്നോ സുനാമി വന്നത് ?
ചീഞ്ഞ മത്തികളെ പോലെ
ഒരേ കുഴിയില്‍
രൂപങ്ങളില്ലാതെ
മതങ്ങളില്ലാതെ
സ്വര്‍ഗ്ഗത്തിന്റെ മോഹങ്ങളില്ലാതെ
എന്തെ നിങ്ങളുറങ്ങുന്നു ...
അന്ത്യനാളില്‍
നിങ്ങളുടെ വിധി എന്താകും
ഓ ഞാന്‍ മറന്നു
ശവങ്ങള്‍ക്ക്‌ സംസാരശേഷി ഇല്ലല്ലോ
========ബി ജി എന്‍ ==============

No comments:

Post a Comment