തിരക്കിന്റെ കടോരത
കര്‍ണ്ണപുടങ്ങളെ തലോടുന്ന
ബസ്സ്ടാന്റിലെ ഒരു സന്ധ്യ..!
നിറങ്ങളുടെ സൌരഭ്യം
നരച്ച പകലിനെ മയക്കുന്ന
വിളറിയ ജനക്കൂട്ടം .!
ഒരു നാരങ്ങ സോഡയുടെ
നുരയുന്ന ഏമ്പക്കത്തില്‍
ഒരു വില്സിനു തീപിടിപ്പിക്കുമ്പോള്‍
ബസ്‌ സ്ടാന്റിന്റെ തിരക്കിലെക്കവള്‍ വന്നു.
ഒരു ചോക്ലേറ്റ് കളര്‍ സാരിയില്‍
ദേഹത്തിനു മറക്കാന്‍ ആകുന്നതെല്ലാം മറച്ചു
ഒരു ശാലീന സുന്ദരി.
എന്റെ കണ്ണുകളില്‍ അവള്‍ ഉടക്കിയത്
അവളുടെ ആ ഒതുക്കവും
പിന്നെ ആ ശരീരത്തോടുള്ള
വസ്ത്രധാരണത്തിന്റെ കരുതലും ആയിരുന്നു.
ആരെയും കാണാത്ത പോലെ അവള്‍
ആള്‍തിരക്കിന്റെ മൂലയില്‍ ...!
വിപതി ധൈര്യത്തിന്റെ ചൂടില്‍
ഒരു പാട് വട്ടം നോക്കിയപ്പോള്‍ ഒക്കെ
അവള്‍ കണ്ടിരുന്നെന്ന തിരിച്ചറിവില്‍
മെല്ലെ അവളുടെ അടുത്തേക്ക് പോയി.
ഒരു പതിഞ്ഞ സ്വരം ഞാന്‍
എന്നെ അറിയാതെ അവളിലേക്ക്‌ ചൊരിഞ്ഞു.
എന്താ പേര്?
വനജ എന്ന പേരിനു
ശാലീനത എന്നര്‍ത്ഥം ഞാന്‍ കല്പിച്ചു
പിന്നെയും ചോദ്യങ്ങള്‍ തൊണ്ടക്കുഴിയില്‍
നിര്ഗ്ഗളിക്കനാകാതെ തിക്കി വിക്കുമ്പോള്‍
അവളുടെ ചോദ്യം ഇരമ്പി വന്നു
മുറിയുണ്ടോ അതോ ?
=========ബി ജി എന്‍ ============
No comments:
Post a Comment