സമരമുഖം

സമരമുഖം.

......................

ഓരോ തെരുവും ഉണരുകയായ്

സമരമുഖമത് തുറക്കുകയായ്

നിങ്ങളറിഞ്ഞോ മാളോരെ

നിങ്ങളുമതിലൊരു കണ്ണിയതല്ലോ. 

യുദ്ധം തുടരുകയാണത് മണ്ണിൽ

ഉഗ്രൻ കാരണമാണത് പലതും

കണ്ടാലറിഞ്ഞാൽ നിങ്ങൾ ചിലപ്പോൾ

കണ്ണും പൊത്തി ചിരിച്ചേക്കും.

ഹിന്ദുവും മുസ്ലീമും തമ്മിലടി

മുസ്ലീമും മുസ്ലീമും തമ്മിലടി

ക്രിസ്ത്യനും മുസ്ലീമും തമ്മിലടി

ഭാഷയും ഭാഷയും തമ്മിലടി:

രാജ്യങ്ങൾ തമ്മിൽ മുട്ടനടി

കറുത്തവനും വെളുത്തവനും തമ്മിലടി

മണ്ണു കുടിച്ചൊരു ചോരയ്ക്ക്

ഒറ്റനിറമെന്നവർ കണ്ടീല !

ഒത്തൊരുമിക്കാൻ കഴിയാതെ

തമ്മിൽ തല്ലിച്ചാകുന്നോർ

ഒന്നിക്കുന്നുണ്ടൊരു കാര്യത്തിൽ

നിർമതജന്മം കൊയ്യാനായി.

കാപട്യത്തിൻ സമരമുഖത്തിൽ

യുദ്ധം ചെയ്വോർക്കറിയില്ല

എന്തിന് ചോര പൊടിയ്ക്കുന്നു നാം

എന്തിന് മരണം പുൽകുന്നു.

ഇല്ല മതവും ജാതിയുമെങ്കിൽ

ഇല്ല സമരം ഭൂമിയിലെന്നാൽ

ചൊല്ലുവതിന്നു കഴിയില്ലതു പാരിൽ

പിന്നവരാകും ശത്രുക്കൾ !

ബി.ജി.എൻ വർക്കല