Tuesday, March 29, 2016

ഒരു പൂവിന്റെ കഥ.


യാത്ര തൻ തുടക്കത്തിൽ
ഒരു പൂവു കാണുന്നു.
അനേകം കമ്യൂണിസ്റ്റ് പച്ചകൾക്കിടയിൽ
ഒരു പൂവു കാണുന്നു.
ഇത് മഹത്തരമെന്നവൾ
വാസനിക്കുന്നു.
യാത്രയുടെ തീരങ്ങളിൽ
ആദ്യപൂവിന്റെ ലഹരിയവളെ ചൂഴുന്നു.
അന്ധതയുടെ യാത്ര
ഒരുകാതം പിന്നിടുമ്പോൾ
കാഴ്ചയിൽ
സുഗന്ധത്തിൽ
പൂക്കളുടെ ഒരു തോട്ടം വന്നെത്തുന്നു .
ആദ്യ സുഗന്ധ മലരിൽ നിന്നും
അനവദ്യതയിലേക്ക് നിപതിക്കുമ്പോൾ
ഓർമ്മയിലൊരു കോണിൽ
ആദ്യപുഷ്പം മഞ്ഞുമൂടി കിടക്കുന്നു.
അവൾ പൂവുകളിലെ സുഗന്ധം നുകർന്നു
പൂന്തോട്ടത്തിലേക്ക് മറയുന്നു.
ഇടയിലെവിടെയോ ഒക്കെ
ആദ്യപൂവിനെ കണ്ടെത്തുമ്പോൾ
ഓർമ്മയുടെ നനുത്ത പുഞ്ചിരി
കൈമാറാനവൾ മറക്കുന്നില്ല.
ഒരിക്കലൂടെ പൂക്കാനാവാതെ
ആ പൂവു മാത്രം
അവളുടെ പുഞ്ചിരി കൊതിച്ചു
കൊഴിയാൻ മടിച്ചു
ഒറ്റയ്ക്ക് വെയിൽ കൊള്ളുന്നു.
........... ബിജു.ജി.നാഥ് വർക്കല,

2 comments:

  1. നൊമ്പരത്തിപ്പൂവ്‌......
    ആശംസകള്‍

    ReplyDelete