ശൈത്യത്തിന്റെ ഇടനാഴികളിൽ
ആസുരതയുടെ പ്രചണ്ഡതാളം.
ജീവിതമേ നിന്നുടെ കാലടികൾ
കനൽത്തുണ്ടുകളിൽ ചലിക്കുന്നു.
ഇരുട്ടിനു മുന്നേ വെളിച്ചമാവട്ടെ
സൂര്യനെ കാമിച്ചു കാലമുണരട്ടെ
തൃഷ്ണകളുടെ നൂലിഴകൾ മുറിഞ്ഞു
വേദനകളുടെ നിഴലുകൾ മരിക്കട്ടെ!
ഭാരങ്ങളുടെ പാഥേയമേറ്റി യാത്രകൾ
ശവംനാറിപ്പൂക്കൾ വിടരുമിടവഴികൾ
മുറിയാതെ നീറുന്ന പാശക്കുടുക്കു-
മായിനിയെത്ര നാൾവഴി താണ്ടണം!
....................... ബിജു ജി നാഥ് വർക്കല
എല്ലാ യാത്രയ്ക്കും ലക്ഷ്യമുണ്ടെന്നേ. ചില ലക്ഷ്യങ്ങൾ നാം അറിയുന്നില്ലെന്നേയുള്ളു
ReplyDeleteസുഗമമായി തീരട്ടെ ജീവിതയാത്ര!
ReplyDeleteആശംസകള്