--
ഇന്ത്യയുടെ ആത്മാവ്
ഗ്രാമങ്ങളിലാണ് .
മഹാത്മജിയുടെ
വാക്കുകള് ഇന്ത്യ നെഞ്ചേറ്റി .
ഇന്നിന്ത്യയുടെ ആത്മാവ്
പച്ച മരങ്ങളില്
ഫലങ്ങളായി
തൂങ്ങിയാടുന്നു
ദയനീയതകളായി.
നീതി ലഭിക്കാത്ത
പെണ്കിടാങ്ങള്
അനീതികള് ആരോപിക്കപ്പെട്ട
കുടുംബങ്ങള്
അതെ ,
ഇന്ത്യ വളരുകയാണ് .
ഗ്രാമങ്ങള് ചിന്തിക്കുകയാണ്
രാഷ്ട്രമാതാവിനെ
രാഷ്ട്ര പിതാവിനെ
ദേശീയ മൃഗത്തെ
ആരാകണം ?
എന്താകണം ?
ചിന്തിച്ചു കൂട്ടുകയാണ് തെരുവുകളില് .
സങ്കുചിതമായ മതരാജ്യമായി
നാമെന്തേ വളരുന്നില്ലയെന്ന
കണക്കു കൂട്ടുകയാണ് .
മതരാജ്യങ്ങളിലെ
കൊള്ളരുതായ്മകള് പഠിക്കാന് കഴിയാതെ
നാം മത സംസ്കാരം
വളര്ത്താന് ശ്രമിക്കുകയാണ് .
ഗ്രാമങ്ങള് ഇന്ന്
പൂക്കളങ്ങള് തീര്ക്കുകയാണ് ,
രക്തവും
മാംസവും കൊണ്ട്
വാക്കും
നോക്കും കൊണ്ട് .
തമ്മില് വെട്ടിമരിക്കുകയാണ് .
മതേതരത്വത്തിന്റെ
ശിശ്നിക മുറിച്ചുകൊണ്ട്
ഗ്രാമങ്ങള്
ദേശീയത വളര്ത്തുകയാണ് .
ഗ്രാമങ്ങള് കേഴുകയാണ് ഇന്ന് .
ഇന്ത്യ വളരുകയും !
കുത്സിതചിന്തകളില് നിറഞ്ഞു
ഇന്ത്യ വരളുകയാണ് ഇന്ന് .
ഗ്രാമങ്ങളുടെ ആത്മാവ്
വരണ്ടുണങ്ങിയ പാടങ്ങള് പോലെ
വിണ്ടു കീറുകയാണ്
ചോരച്ചാലുകള് നിര്മ്മിച്ചുകൊണ്ട് .
----------ബിജു ജി നാഥ് വര്ക്കല
തമ്മില്തല്ലി നശിച്ച യാദവകുലാവര്ത്തനം!
ReplyDeleteആശംസകള്
ആത്മാവ് മെല്ലെമെല്ലെ നശിച്ചുകൊണ്ടിരിക്കുന്ന കാലം
ReplyDelete