വസ്ത്ര പുരാണം

നഗ്നരായി വന്നു നാം
നഗ്നരായി മടങ്ങുന്നിടയില്‍
അല്പനേരമുടുക്കുന്നു വസ്ത്ര-
മതിലെന്തെന്തു വൈവിദ്ധ്യങ്ങള്‍ !

അവനുടുക്കുന്നു,അവളുടുക്കുന്നു
അതിനാല്‍ ഞങ്ങളുമുടുക്കുന്നു.
അവള്‍ കാണിക്കുന്നു ഞങള്‍ പൊതിയുന്നു
ഉടുക്കുവാനേറേ പുരാണങ്ങള്‍ ചുറ്റിനും .

ഉടുക്കുന്നവനേ കണ്ടാല്‍
ഉടുക്കാത്തവന് നാണം
ഉടുക്കാത്തവനെ കണ്ടാല്‍
ഉടുത്തവന് സദാചാരം

കാട്ടിലേറുന്നു നഗ്നത കാണുവാന്‍
നാട്ടിലുഴറുന്നു നഗ്നത കാണുവാന്‍
വീട്ടില്‍ വടിയെടുത്തുടുപ്പിടീക്കുന്നു
ഏറെ രസാവഹം നീ മനുഷ്യാ .
------------------ബി ജി എന്‍