Sunday, January 27, 2013

അഗ്നിയില്‍ വിരിയുന്ന പൂവുകള്‍

ചിതറുക ചിന്തകളെ നിങ്ങളീ മണ്ണില്‍
ചിരപരാജിതരെ പോലെ ഇന്ന് .
കരിമണം ശ്വസിച്ചു നിങ്ങള്‍ പൂകുവിന്‍
പതിരില്ലാത്ത മൂഡസ്വര്‍ഗ്ഗം നീളെ നീളെ .

ഇടയില്‍ വിരിയുന്ന പുഷ്പങ്ങളെ നോക്കി
മധുനിറയുന്നോരിടവേള നല്‍കാതെ
രുധിരപാനം നടത്തി നീ മുന്നേറുകെന്നാല്‍
ഓര്‍ക്കുക, കണ്ണുകളടഞ്ഞേ ഇരിക്കണം .

പഴുതുകള്‍ തേടുക നിയമാവലികളില്‍
ഒഴിവുകള്‍ കാണുക സവിസ്തരം.
കരളു പിഴുതെടുക്കുന്നവനുമേകുകയിളവുകള്‍ 
മനുഷ്യാവകാശത്തിന്‍ വാറോലകള്‍ കാട്ടി .
 
കുതികുതിക്കുന്ന വിലക്കയറ്റം നോക്കി
നെടുവീര്‍പ്പിടാന്‍ സമയമില്ലൊട്ടുമെ
ഒരു കയര്‍ തുണ്ടിന്‍ വില പോലും നല്‍കാന്‍
ഉടുതുണി അഴിക്കുന്നോരീ ജനതയ്ക്ക് മുന്നില്‍.
-----------------ബി ജി എന്‍ വര്‍ക്കല -----     

1 comment:

  1. ഓര്‍ക്കുക കണ്ണുകളടഞ്ഞേയിരിയ്ക്കണം

    ReplyDelete