ഏകാന്തതയുടെ മടുപ്പ് ..

ഏകാന്തതയുടെ മടുപ്പ്
......................................
ഞാനിന്നലെ നിന്നെ കനവു കണ്ടു.
മാലാഖചിറകുകൾ വിടർത്തി
നീയെന്റെ കിടക്കയിൽ വന്നിരുന്നു.
നിന്റെ മേൽച്ചുണ്ടിലെ മറുകിൽ
ഞാനുമ്മ വയ്ക്കുമ്പോൾ
ചുരുളൻ മുടിയഴിച്ചെന്റെ
മുഖമാകെ നീ കുളിരു പകർന്നു.
നിന്റെ മുലക്കണ്ണിലെ കറുത്തു നീണ്ട
രോമങ്ങളിൽ ചുണ്ടുകൾ പരതുമ്പോൾ
മാടപ്രാവിന്റെ കുറുകൽ നിന്റെ നെഞ്ചിൽ കേട്ടു
മഞ്ഞൾ മണക്കുന്ന നിന്റെ മടിയിൽ കിടക്കവേ
എന്തിനോ ഞാൻ കരഞ്ഞു.
സങ്കടത്തിന്റെ ആഴം
നമുക്കിടയിലെ അകലത്തോളമെന്നറിഞ്ഞപ്പോൾ
ഞാൻ സ്വപ്നത്തിൽ നിന്നിറങ്ങിയോടി.
എന്റെ നിദ്രയകന്നു പോയി
രാവ് ഇരുട്ടിനാലെന്നെ
ഗാഢമായി പുണരുന്നുണ്ടായിരുന്നു .
...... ബി.ജി.എൻ വർക്കല