Sunday, July 31, 2016

നിഴൽക്കുത്തുകൾ


നിന്റെ തേങ്ങലൊരു തീപ്പൊട്ടായി
കാതിൽ വീണു പൊള്ളുമ്പോൾ...
കാലമേ , പൊറുക്കായ്കീ പാപ -
ജന്മം വേരറ്റുപോകും വരേയ്ക്കുമേ!

ആസുര ജന്മത്തിൽ കനൽവഴി -
താണ്ടി വരുന്നു പൊടിക്കാറ്റിൽ
ഭാസുരമാക്കുവാൻ ചില ജന്മപാശ-
മെൻ പിന്നിലുണ്ടതിനാൽ മാത്രം .

കാത്തിരിക്കാനില്ലൊരു കണിയും
പുലരിയുടെ കാഞ്ഞിരക്കുരുവോളം
ഓർത്തിരിക്കാൻ ഇത്തിരി വെട്ട -
മോടൊരു മിന്നാമിന്നിയല്ലാതിന്നു .

നിഴലാണ് ജീവിതം വെറും നിഴലിൻ
സമരമല്ലാതൊന്നുമില്ലെന്നാകിലും
വെറുതെ നാം കോപ്പുകൂട്ടുന്നുണ്ട്പാഴ് -
സമരത്തിന്ന്, ജയം കൊതിച്ചെന്നുമേ !
..... ബിജു ജി.നാഥ് വർക്കല ..........

1 comment: