Friday, July 15, 2016

രാമായണ മാസം .


നാട്ടുകാരുടെ വാക്കും കേട്ട്
ഗർഭിണിയാം കെട്ടിയോളെ
അനിയന്റെ കയ്യിൽ കാട്ടിൽ
കളഞ്ഞ രാമ രാമ പാഹിമാം .

സുഗ്രീവനു ചേട്ടത്തിയമ്മയെ
സ്വന്തമാക്കാൻ ബാലിയെ
ഒളിച്ചു നിന്നു അമ്പയച്ചു
മേലോട്ടയച്ചരാമ രാമ പാഹിമാം.

പ്രണയം തോന്നി അടുത്തുവന്ന
കാട്ടു പെണ്ണിനെ വട്ടു കളിപ്പിച്ചു
അനിയനെക്കൊണ്ടു മുല ചെത്തി
ചിരിച്ചു നിന്ന രാമ രാമ പാഹിമാം.

ശൂദ്രനൊരുവൻ തപം നടത്തിയ
രാജ്യം മുടിയുമെന്നു കേട്ടു
ചാടിയെത്തി തിരഞ്ഞുപിടിച്ചു
കൊന്നെറിഞ്ഞ രാമ രാമ പാഹിമാം.

ലോകം മുഴുവൻ കീഴടക്കാൻഅശ്വ_
മേധമൊന്നു നടത്തിയൊടുവിൽ
*ചത്ത കുതിരയെ ഭോഗിക്കാൻ പട്ട-
മഹിഷിയെ കൊടുത്ത രാമരാമ പാഹിമാം.
...... ബിജു ജി നാഥ് വർക്കല

* (അശ്വമേധത്തിനൊടുവിൽ വിജയിച്ച കുതിരയെ കൊന്നു ആ കുതിരയുടെ ഒപ്പം രാജപത്നി ഭോഗം ചെയ്യണം എന്ന് വിധി. )
ഇനി ഒരു മാസം രാമായണം ഭക്തി പുരസ്സരം ചൊല്ലൽ മേള , കർക്കിടക കഞ്ഞി മേള , മരുന്നു സേവ മേള എന്നിവ തുടങ്ങുന്നതിന്റെ സന്തോഷത്തിലാണ് കേരളം. അപ്പോ പിന്നെ തുടങ്ങുവല്ലേ :)

1 comment:

  1. ഇത്രയും വേണോ ബിജു..?

    ReplyDelete