പ്രണയചുംബനം .

പ്രണയിച്ചു പോകുകയാണ്
നിന്നെയീ വിലക്കുകൾ തൻ
കമ്പിവേലികൾ കടന്നുമിന്നു
നീയതറിയാതെ പോകുമോ?

ചുംബനപ്പൂവുകൾ കൊണ്ടു
നിൻപാദകമലങ്ങളെ മൂടിയും
ആലിംഗനത്താൻ മൃദുഗാത്ര
മാകെപ്പൊതിഞ്ഞും പ്രിയതേ.

ഇന്നീ രാവകലും മുന്നേ നിൻ
വിറയാർന്നധരങ്ങളാലറിയട്ടെ
എന്നധരങ്ങളിൽനല്കുമൊരു
ചുംബനത്താൽ നിന്നിഷ്ടവും.

മറക്കുവാനാകാത്ത നിന്നുടെ
മധുരവാണികൾ തൻ രസവും.
മായ്ക്കുവാനാകാതെനിന്നിൽ
പടർന്നു കിടക്കുമീ കുങ്കുമവും.

ഓർത്തു വയ്ക്കട്ടെ സുന്ദരീ,
നിൻ നേർത്ത സ്മേരമൊപ്പം.
കാത്തിരിക്കുന്നു പിന്നെയുമാ
ചുംബനമെന്നധരവുമോർക്ക!
.... ബിജു ജി നാഥ് വർക്കല...