പ്രണയമോ ... സ്വപ്നമോ!
..................................................
ഉണങ്ങിവരണ്ടൊരു നദിയുടെ പുളിനത്തില്‍
ഇരുണ്ട ചിന്തകള്‍ തന്‍ ഭാരവുമായൊരാള്‍
വെറുതെ.... വെറുതെ മയങ്ങുകയാണീ
നിലാവില്‍ നനഞ്ഞങ്ങാകാശം കണ്ട് .
കാത്തിരിപ്പിന്‍ കാലം കഴിഞ്ഞതില്‍ പിന്നെ
ഓര്‍ത്തു വയ്ക്കാനൊന്നുമില്ലാതെ പോയതില്‍
ശേഷിക്കയില്ല വേദന തന്‍ മിഴികള്‍
വറ്റിയാല്‍പ്പോലും നക്ഷത്ര ശോഭകള്‍.
മഴയുടെ കൈകള്‍ തഴുകി തലോടുമാ
മുലഞെട്ടുകള്‍ തന്‍ തടിപ്പില്‍ പോലുമേ
അറിയുന്നുവോ നീ ഉഷ്ണം പൊതിയുന്നതെന്‍
മിഴിനീര്‍ ബാഷ്പം വീണലിയും വേളയില്‍.
നിദ്ര തന്നഗാധമാം ചുഴിയില്‍പ്പോലും
വിരിയും നിന്‍ നുണക്കുഴിപ്പൂവില്‍
അധരംതൊട്ട് പതിയെ പടിയിറങ്ങും ശബ്ദം
അതു പോലും നീയറിയരുതെന്ന് കരുതുന്നു ഞാനും .
@ബിജു ജി നാഥ്
No comments:
Post a Comment