നീ മയങ്ങുമ്പോൾ
...................................
ഒരു വെൺമേഘശകലമായ് നിന്നുടെ
മുടിയിഴ തഴുകിയരികിൽ ശയിക്കണം.
ഒരു നിറനിലാ കമ്പളമായ് നിൻ്റെ
തനുവിനെ പൊതിഞ്ഞു പിടിക്കണം.
താരാജാലങ്ങൾ തൻ തിളക്കങ്ങൾ നിൻ,
മിഴികളിൽ മെല്ലെ കൊളുത്തി വയ്ക്കണം.
കോകില കൂജന മാധുര്യം നിന്നുടെ
നാവിൽ പുരട്ടി വയ്ക്കേണം.
അത്രമേൽ ചോന്നൊരു ചെമ്പനീർപ്പൂനിറം
അധരങ്ങൾ തന്നിൽ പതിയ്ക്കണം. പിന്നെ,
നീയുണരുന്നതിന്നൊരു നിമിഷം മുന്നേ
അലിഞ്ഞു പോകണം മന്ദമാരുതനിൽ.
ഒരു നൊടിയിടകൊണ്ടു നിൻ ശ്വാസമായ്
അലിഞ്ഞു ചേരണം നിന്നുള്ളിലെന്നുമേ.
@ബിജു ജി.നാഥ്
No comments:
Post a Comment