Sunday, August 7, 2016

സൗഹൃദഹസ്തം

ആത്മബന്ധത്തിൻ ചങ്ങല -
ക്കണ്ണികൾ കൂട്ടിവിളക്കാൻ,
സ്നേഹത്തിൻ പാശത്താൽ
ദുർഘട പാതകൾ ചരിപ്പാൻ
തളരുമ്പോൾ താങ്ങായിരിക്കാനും
നഖമുനയാൽ മാനസം പോറാതെ
വിടരുന്ന പുഞ്ചിരി പൊഴിച്ചും
വിരൽ ചൂണ്ടും പുരുഷാരത്തിൽ
നിന്നകന്നാശ്വസിപ്പിക്കാൻ
പരിഹാസമുനകളിൽ ,കളിവാക്കിൽ
ഹൃദയത്തെ തല്ലി തളർത്താതെ
പുതിയ ബന്ധങ്ങൾ പരിചിതമാകുമ്പോൾ
അപരിചിതമുഖമൊന്നണിയാതെ
ആരുണ്ട് കൂടെയീ ദിനമൊന്നി-
ലെൻ കൂടെ സൗഹൃദ പുഷ്പത്തെയേൽക്കാൻ.
..... ബി ജി എൻ വർക്കല

1 comment: